انت راجل مش مسؤول وانتي ست طماعة
" تصحيح للمفاهيم"
ليه اغلب إجابات الستات عن اسباب الطلاق كانت أن الراجل " غير مسؤول "
واغلب إجابات الرجالة أن الستات طماعة ؟
براحة نحط الكلام ده تحت ميكروسكوب
الموضوع صورة واحده لكن الراجل شايفها من ناحية والست شايفاها من ناحية تانية
🫵🫵🫵
يعنى ايه راجل غير مسؤول من وجهة نظرك ؟
إتكالي
أناني ...
ضعيف الشخصية ...
سلبي
يعنى بيغيب من الشغل باستمرار ؟ وبيتعرض للخصم من راتبة وكمان للفصل ؟
بيجيب لنفسة كماليات مش بيجبها للبيت ؟
مش بياخد قرار في أي حاجه .. تعليم الولاد .. شغله .. علاقتكم ... ؟
مش بيعرف يحل أي مشكلة بتحصل في البيت أو الشغل أو مع الجيران والقرايب ؟
الاسئلة دى نعرف بيها " حدود الموضوع " يعنى مش متحمل مسؤولية بنسبة 20% ولا 50 ولا 90
والاجابة لازم تكون بشكل منطقي مش عاطفي
يعنى هل بيشارك في مشتريات البيت ؟
بيتكلم مع الولاد عن تصرفاتهم ؟
زعق للبواب عشان أتأحر اكثر من مرة في جمع الزبالة ؟
.....
سؤال تاني مهم
هل عدم المسؤلية من أول الجواز ولا حصل بعد كده ؟
السؤال ده بنحاول نفهم بيه " هل أنتي سبب في التغير ده " ولا ده طبع شخصي في الزوج .
يعنى مثلا مش بيشارك فى تربية الولاد ولا مش بيعجبك تدخله وانتى اعترضتى على تدخله الى مش عاجبك مره واتنين ؟
وده نقدر نعرف منه هى مشكلة عدم تحمل مسؤلية ولا رفض منك لطريقة ادارة .
بالنبسبة للرجالة
يعنى ايه بردو ست طماعة ؟🫰🫰🫰🫰
يعنى عايزه مصروف يكفي البيت والولاد ولا عايزه مصروف شخصي ليها هية اكبر من مستوى دخلك
طيب هى بتاخد الفلوس وتصرفها ازاى ؟
شيبس ودلفرى ولا على اهلها واصحابها ؟
طيب طماعة عشان بنديها كتير وعايز اكتر ولا عشان انت دخلك قليل
ولا طماعة عشان شايفاك مجرد شخص بيجيب فلوس عشان هى تحقق اهداف واحلام مكنتش عارفه تحققها فى بيت ابوها
ولا هى كان مستواها افضل فى بيت ابوها وعايزه توصل لنفس المستوى او اقل مع حساب الفارق بين الجيلين
بعد ما كل طرف يجاوب على الاسئلة دى واكيد اسئلة تانية حتيجى فى دماغكم وانتم بتقرو البوست
نشوف بقا كل طرف بيطلب ايه وبيقدم ايه؟
يعنى مثلا هى بتطلب كتير وانتى امكانياتك تسمح وفى الوقت نفسه هى بتشبع احتياجاتك النفسية والجسدية وجميلة وحنينية . ...
يبقا اشطى
وبردو هو لو عنده مشكلة فى احد جوانب المسؤلية
لكن بيحبك وبيدلعك وكويس فى جوانب تانية كتير يبقا فل
اتمنى بعد الاسئلة والاجابات والنظر بعين الطرف الاخر
ليست هناك تعليقات:
إرسال تعليق